AWD

Adran Lles Anifeiliaid Y Weinyddiaeth Amaeth, Pysgodfeydd a Bwyd (MAFF)

Marc Siarter

Gwobr gan y Llywodraeth (Swyddfa’r Cabinet) i gydnabod safonau neilltuol ym maes gwasanaeth cwsmeriaid. Dyfarnwyd i’r Gwasanaeth Hylendid Cig ym 1998 i’w gadw am 3 blynedd.

Anghydffurfio difrifol

Unrhyw anghydffurfio sy’n achosi perygl uniongyrchol, difrifol i iechyd y cyhoedd, ac yn gofyn am weithredu syth gan y Gwasanaeth Hylendid Cig i adfer y sefyllfa.

Anghydffurfio difrifol mewn perthynas â thargedau lles anifeiliaid

Unrhyw anghydffurfio sy’n brifo, cyffroi neu wneud i anifail ddioddef yn ddiangen.

FSA

Yr Asiantaeth Safonau Bwyd. Sefydlwyd ar 1 Ebrill 2000 gyda’r nod o ddiogelu iechyd y cyhoedd o beryglon sy’n codi o fwyta bwyd, a diogelu buddiannau defnyddwyr mewn perthynas â bwyd.

Targedau gwasanaeth cwsmeriaid yr FSA

Set o safonau a gynlluniwyd i sicrhau y gwasanaeth gorau posib i’r cyhoedd gan yr Asiantaeth Safonau Bwyd. Mae’r rhain yn nodi amserlenni ar gyfer ateb gohebiaeth, a delio gydag ymholiadau ffôn a galwyr personol. (Gellir cael manylion ar wefan yr Asiantaeth Safonau Bwyd, sef www.foodstandards.gov.uk).

FVO

Swyddfa Fwyd a Milfeddygaeth y Comisiwn Ewropeaidd. Mae’n cynnal ymweliadau archwilio neu ‘genadaethau’ i Aelod-Wladwriaethau i wirio cydymffurfiad â gofynion Cyfarwyddebau Ewropeaidd.

HACCP

Rheolbwynt Critigol Dadansoddi Peryglon. System ymarferol y gall busnesau bwyd ei defnyddio i sicrhau fod eu cynhyrchion yn ddiogel. Mae’n adnabod peryglon posib ac yn canolbwyntio ymdrech reoli ar gamau critigol yn y gwaith.

HAS

System Asesu Hylendid. Dull risg-seiliedig o asesu safonau hylendid mewn lladd-dai trwyddedig a busnesau torri cig sy’n cael ei gynnal gan Filfeddygon Swyddogol (OVSau) y Gwasanaeth Hylendid Cig. Cyhoeddir sgoriau’r busnesau – sgoriau HAS – yn fisol yn Atodiad HAS Adroddiad Gorfodi Hylendid Cig.

Rheol OTM

Rheol Dros Dri Deg Mis. Y rheol sy’n gwahardd gwartheg dros drideg mis oed o’r gadwyn fwyd ddynol (ac eithrio gwartheg a gofrestrwyd o dan Gynllun Sicrwydd Cig Eidion).

MHAC

Pwyllgor Ymgynghorol Hylendid Cig. Corff newydd a sefydlwyd i oruchwylio gwaith y Gwasanaeth Hylendid Cig ac i fod yn gyfrifol am bolisi hylendid cig yn gyffredinol. Is-gadeirydd yr Asiantaeth Safonau Bwyd, Suzi Leather, yw Cadeirydd y Pwyllgor sy’n cynnwys aelodau eraill o brif Fwrdd yr FSA. Etholir nifer o aelodau annibynnol ar sail cystadleuaeth agored.

MHS

Y Gwasanaeth Hylendid Cig. Rhan o’r Asiantaeth Safonau Bwyd. Sefydlwyd yn wreiddiol ar 1 Ebrill 1995 fel asiantaeth weithredol MAFF. Yn gyfrifol am hylendid, archwilio a lles anifeiliaid mewn busnesau cig ffres trwyddedig ledled Prydain.

OVS yr MHS

Milfeddyg Swyddogol yr MHS. Yn gyfrifol am archwiliadau cyn ac ar ôl marwolaeth, ac am oruchwylio hylendid o ddydd i ddydd mewn busnesau cig ffres trwyddedig.

Llawlyfr Gweithrediadau MHS

Ffynhonnell swyddogol cyfarwyddyd a gwybodaeth ar gyfer staff gweithredol yr MHS. Caiff y ddogfen hon ei diweddaru’n gyson i gynnwys newidiadau i’r ddeddfwriaeth a datblygiadau gwyddonol newydd.

Gweithgor Mân Reolau’r Diwydiant Cig

Gweithgor annibynnol, a gadeirir gan Robin Pooley, ac a sefydlwyd ym Medi 1999 i ystyried baich mân reolau o fewn y diwydiant cig. Lluniodd y grup adroddiad (Adroddiad Pooley) yn Rhagfyr 1999 yn nodi 35 o argymhellion ar gyfer newidiadau yn y sector gig.

Grup Pooley / Adroddiad Pooley

Gweler Gweithgor Mân Reolaur Diwydiant Cig.

POVS

Prif Filfeddyg Swyddogol yr MHS. Yn gyfrifol am reolir OVSau o fewn ardal ddaearyddol benodol.

SRM

Deunydd Risg Benodol. Meinwe o wartheg, defaid a geifr sy’n fwyaf tebyg o gynnwys yr haint BSE (e.e. yr ymennydd, llinyn y cefn). Wedi’i wahardd o’r gadwyn fwyd.

SVS

Gwasanaeth Milfeddygol y Wladwriaeth, rhan o Gyfarwyddiaeth Diogelwch Bwyd MAFF.

VMHA

Ymgynghorwyr Milfeddygol Hylendid Cig. Yr Asiantaeth Safonau Bwyd sy’n cyflogi’r rhain yn Lloegr, a Gwasanaeth Milfeddygol y Wladwriaeth sy’n gwneud hynny yng Nghymru a’r Alban. Yn gyfrifol am drwyddedu busnesau cig ffres a chynnal ymweliadau archwilio’r MHS mewn busnesau trwyddedig.

VPHU

Uned Iechyd Milfeddygol y Cyhoedd. Rhan o’r Asiantaeth Safonau Bwyd sy’n rhoi cyngor milfeddygol i’r Asiantaeth ar beryglon iechyd y cyhoedd sy’n deillio o fwyd neu anifeiliaid. Mae ganddo bolisi a chyfrifoldeb gweithredol am drwyddedu busnesau cig a phenodi OVSau, ac mae’n cynnal archwiliad o’r MHS.